人要經過歷練先會成長，讓智慧得以提升。偏偏好多年輕人都會「不聽老人言」，覺得老一輩跟唔上而家嘅世界，思想守舊，講乜都唔啱聽。但當人大咗，經歷多咗，回想返過去老人家講嘅說話，先了解當中嘅睿智，後悔從前點解唔好好咀嚼長者嘅話語，思考佢哋嘅建議，導致今時今日有種種嘅遺憾同後悔。

如果呢一刻你唔想將來再行錯路，不如睇睇美國Reddit討論板上，一篇「60歲以上Reddit用戶，請問你們會給年齡只有你們一半的人什麼建議呢？」嘅文章，可能會幫到你嘅人生。

你最好生活得好似一個中過風嘅糖尿病心臟病患，以免你以後真係會變成咁樣。

時間眨下眼就過，唔好太早結婚，要好好盡情享受生活，盡量去好多地方做好多想做嘅事。去任何你負擔得起嘅地方，睇吓呢個世界，睇吓旅遊雜誌然後揀個地方起行啦。

唔好將生命睇得太嚴肅，即使情況睇落好不濟、冇最希望，都試著去嘲笑生活有幾荒唐。

真正嘅朋友會喺半夜兩點因為你嘅電話而飛奔過來，其他人都只係「認識嘅人」。

你生命中最重要嘅人係可以同你共享生活嘅人，請以同樣嘅態度對待佢哋。

孩子總係長大得太快，所以要珍惜你同佢哋喺埋一齊嘅每一刻。

冇人知你會長命百歲定係英年早逝，但係無論邊種情況，相信我——趁年輕時將自己照顧得好啲，一定冇錯。

如果你覺得生存喺世上就快受不了，就將注意力集中喺當下美麗而且治癒嘅事物上，深呼吸，放輕鬆。

啲人成日話，要搵一份你鍾意做嘅工作。但其實呢個唔係最好嘅建議。一份對嘅工作，係你有時好鍾意，而大部分時候你都可以忍受，並讓你有足夠嘅錢去生活。因為幾乎冇人可以搵到令佢每日都好愛、好享受嘅工作。

我哋只有一次生命，所以唔好令自己某日朝早上起身突然發現已經60歲，依然未去實現你嘅夢想。

呢個建議可能唔似其他人嘅建議咁深奧，但係記得用牙線，因為牙齒問題真係好令人懊惱。

唔好將別人嘅建議睇做真理，你可以向你尊敬嘅人尋求建議，考量你嘅狀況後自己做出決定。實際上，我嘅建議就係你自己決定啦。

物品只係物品，唔好太著緊捉住某啲東西唔放，要緊緊捉住話的，就捉住你嘅時間同經驗。

唔好傷害你嘅關節，佢哋會喺未來向你報復你。就算你以為佢哋已經完全康復都一樣。

當你第一次認識其他人嘅時候，停低好好諗吓，你對對方一無所知，你可能只見到膚色、性別、年齡仲有服裝品味，但麻煩你將呢啲嘢全部都拋諸腦後，因為實際上你咩都唔了解，你嘅腦袋只會先入為主限制你嘅視野，亦限制別人嘅生活。

要按時繳交帳單，唔好輕易貸款。如果我只係畀本金而唔使畀利息，我一早就可以退休。

妒忌會毀掉一段感情，相信你嘅另一半，如果唔係你仲應該去相信邊個？

冇人喺死之前仲希望自己可以花更多時間喺工作上。人要認真工作，但唔好將工作放喺你家人、朋友、甚至你自己之前。

如果你嘅夢想係成為或做出不可能嘅事情，無論點，都去試試。因為當你年紀越大要負責嘅人越多，夢想只會看似更不可能實現。

我會建議你對小事情要心懷感激，並展現出嚟。我哋並唔會永遠活喺呢個既瘋狂又美麗嘅世界，而最大嘅喜悅其實喺最平凡嘅生活當中就搵得到。唔好再打簡訊，拎起電話打畀某人，或者係打畀你媽媽，同佢傾吓偈，咁先係你需要珍惜嘅時刻。