「點解成日忽冷忽熱？」
女人情緒起伏好快，上一秒仲會因為你嘅體貼而開心，下一秒就會因為你嘅分心而傷心，而呢種超快速嘅思緒成日都令男人跟唔上。

「點解你愛壞男人？」
話說話「男人不壞女人不愛」，但講真嗰句，邊有女人想愛上壞男人令自自己遍體麟傷呢？只不過當好男人同壞男人同時出現，壞男人會更識討好女人，而吸引女人目光。不過女人都唔係傻嘅，同對方相處得耐自然都會分出一個人嘅好壞。

「點解唔直接講清楚，係都要背後講壞話？」

講得好聽啲，女人係為咗顧及面子而唔直接講清講楚，但直接啲講就係唔敢承擔講出口後嘅情感破裂。

「幾時先可以有進一步發展？」
男女對情感關係嘅認定好唔同，有時候女人覺得要一齊好耐先可以行埋，而男人當然係想as soon as possible，所以男人如果想同伴侶有進一步發展，應該好好觀察對方節奏同心意，唔好以自己感覺行先。

「關於親密關係，你係點諗？」
性，係兩人一齊產生嘅甜蜜行為，唯有彼此開心先值得繼續一齊落去。但現實中有太多因素會干擾性事，性愛時機、感受問題都會直接影響兩人，所以性愛後，不妨同對方傾下，了解多啲彼此想法。