細個返學，3成心思放喺學業上，7成心思放喺朋友上。咁神心日日早起返學，最大嘅推動力點會係上堂學習丫，咪又係因為可以見到班老死！不過，唔係個個咁幸福，喺學校有班好朋友陪住你。

成日聽到日本有校園欺凌事件，應該唔少學生會討厭返學，面對一個個人渣。再者，就算冇事冇幹，人都係有惰性，有得喺屋企Hea成日，又何樂而不為呢？如果學習都可以留喺家中上堂，咁就好喇！

喂！真係有喎！最近日本KADOKAWA股份公司開設嘅「網路高中」《N高等學校》，已經公開預定喺2016年4月開校，仲一併發表教學相關課程！