返學返工返咗成日，好想快啲返到屋企即刻瞓個靚覺

不過返到屋企，未必會即刻沖涼瞓覺，反而會搞呢樣搞嗰樣；就算即刻去沖涼，沖完涼係都要做下無聊嘢先捨得上床瞓覺

終於捨得熄燈上床瞓覺，但夜瞓開嘅你，根本未有睡意。喺張床上面咁悶，於是又開始拎部手提出嚟睇。

睇吓Facebook、IG諗住冇咁悶，點知見到得意嘅片就開始係咁睇。

睇睇下見有啲急尿，於是就攝手攝腳去廁所。

去完廁所，見有少少肚餓，就去搵吓有咩宵夜同零食。

食飽返上床，就想八下仲有冇人好似你一樣未瞓，想搵人吹下水。

搵到都仲好啲，搵唔到人陪你，就好容易有意無意睇返前度嘅嘢，例如相、Facebook等等，咁又睇咗半個鐘。

睇到三更半夜，突然諗起今日唔係要早瞓架咩？結果開始覺得悔恨。

雖然好想即刻去瞓，奈何根本唔眼瞓，於是就上網睇劇集，諗住睇埋呢集就唔睇，點知就一集一集睇落去……

到你終於想瞓覺，不過過幾個鐘就天光，你又要起身返工返學……

結果第二朝你又好辛苦咁起身，發誓今晚一定要早瞓……

當然，之後係點，咪就係好似上面咁一直輪迴囉。