理想嘅啪啪啪當然要雙方配合，如果一味只係男方自己爽，唔顧及女方感受，淨係識「尷粗lia」（夾硬嚟），到頭來搞到自己插沙咁款，又有乜為呢？盞大家都唔Happy～

不過～有頭髮邊個想做癩痢，有得插又邊個會想磨沙丫，但條女唔夠Mood濕不起來，做仔嘅都愛莫能助，唔通畀佢睇第二啲猛男相等佢出晒水咩？真係咁你都唔忿氣啦！其實要令囡囡有Mood，都要有技巧嘅，講嘅唔只性愛技巧，都包括透過話語令佢有Mood去啪嘅說話技巧，一齊睇下其實正式啪啪啪前，囡囡究竟想要啲乜？外國網站mensfitness就醒你幾招傍身咁話～

喺耳邊調情
其實好多女性都話耳仔係敏感地帶，如果男友喺啪啪啪之前可以喺佢耳邊講一啲調情說話，唔只身體會有反應，心理上都會好冧豬，覺得心入面滿滿的都是愛！啪起上嚟自然人都投入啲～

讚美穿著或者內衣
除非已經見慣見熟，如果唔係女仔喺啪啪啪前都會隆重其事，裡裡外外都著得好好睇睇。如果一嚟淨係識除衫，唔識欣賞女方花盡心思嘅打扮，其實唔多唔少都會有少少失望。

溫柔地幫手除衫
重點係溫柔地，因為太心急就會畀人覺得好狼死，冇晒Feel甚至會驚。但慢慢除就別有一番風味，令女性覺得係一種情趣。

多啲按摩胸部
啪啪啪用嘅係下半身，所以好多男士都會慣性Focus喺私處多啲。但其實好多女仔都覺得，一嚟就攻擊下半身會太快，未Ready好，如果可以由上慢慢落，感覺會好好多。而且胸部都係敏感部位，按摩時都會有感覺，更容易進入狀態。

手勢要輕柔
好多男士對女性嘅私處都表現得好心急，即使用手，都會一嚟就大大力，同埋覺得要全力進攻對方先有Feel。但其實喺前戲階段，女生都係鍾意被溫柔對待，所以男生手嘅動作一定要溫柔，同埋記得要剪指甲，剪指甲，剪指甲(很重要所以要說3次)。