成功率高達6成的影腳板底搭訕法

文：MenClub Mean娜　　圖：互聯網
POSTED ON 18 Dec 2015

影腳板底都可以成功搭訕？！係呀，聽聞仲超work添呀～一位自稱身高大約167cm，體重53kg嘅廿幾歲日本男網友，近日就喺討論區分享佢嘅超級搭訕法，唔單只成功率高達6成，仲可以同女生有親密接觸，聽到都覺得勁！呢招究竟係咩？就係影人腳板底。

話說呢位日本網友其實係重度腳底控，好鍾意觀察女生嘅腳板底，由於太鍾意嘅關係，佢開始搭訕女生，要求影佢哋嘅腳板底。聽落好似好變態，但出乎意料地，佢又真係可以成功集郵，仲有大量「戰利品」show畀大家睇！最誇張係，當中仲有兩個女朋友係咁樣搭訕而開始交往！

佢表示，成功搭訕係有技巧，而且同自身外表唔會有太直接關係，最重要係要訓練出沉穩不輕浮嘅說話方式，充分傳達自己嘅心意。就好似以佢為例，雖然要求勁奇怪，但只要真誠表達對腳底嘅熱愛，就可以說服人，成功搭訕！一齊睇下佢嘅成果啦！