唔知有冇人鍾意睇Mean娜寫重口味變態嘢呢？如果唔鍾意可以講聲，Mean娜會嘗試做返個正常人。話說今日上網搵資料，Mean娜又發現「有趣」新事物！仲連連驚嘆上帝創造萬物嘅奇妙力量，睇到Mean娜忍唔住gap gap聲咁笑！！！

大自然真係好神奇，就算不同物種，都會有相似形態，有啲仲同人類嘅身體部位好近似，睇落真係好有親切感，就例如象拔蚌、蘑菇同埋烏龜個頭（你懂的……）。

不過，今次Mean娜終於喺網上發現到比象拔蚌更接近男士性器官嘅生物！完全超越象拔蚌喺Mena娜心目中最像真嘅地位！睇唔睇得出下圖係咩？畀啲貼士︰係海洋生物，再畀啲貼士︰係星星……就係～～～～～海星喇！

挑！海星可以幾似丁丁先？你唔好睇少佢呀，Mean娜覺得佢似丁丁嘅程度足以打格仔架！