1. 就算屋租貴都堅持住高級住宅

自己無得靠父幹，而苦幹又搵得唔多，就算捱得再辛苦，都堅持要住喺基乎超越自己經濟能力嘅住宅。呢種男人即使結婚後，都希望可以保持高質生活，所以佢地都想搵返個比較高收入嘅對象，因此選擇範圍非常有限。同樣地，如果個男人揸住部基乎超出自己經濟能力嘅車，都會有咁嘅心態，搞到佢地好難揀老婆。

2. 廚房洗碗盤放咗3個或以上嘅洗碗海綿

再姿整嘅男人，頂盡都係分開洗無油碗同有油碗嘅海綿。如果連洗碗都分到咁細嘅人，通常都好神經質或者好奄尖，可能因為佢細個被人管教得好嚴，所以大個就形成呢種性格。好多女人都知道，嫁俾呢類男人好大機會要接受埋佢嘅神經質規條，所以唔會視對方為結婚對象。除左睇海綿種類之外，專家指出，廚房擺放多種調味料嘅男人，都屬於同一類人。（咁廚師點算好？！）

3. 收集好多紙袋，亦要求紙袋原整無缺無瑕疵

聽落好似因為慳錢同環保唔捨得丟紙袋，但諗深一層，佢地可能有個心態就係「可能之後用得著呢?」。呢種男人通常無乜決斷力，連邊啲應該要丟，邊啲真係可以留返都決定唔到，好容易錯失戀愛機會同結婚時機。另外手機塞左好多相嘅男士都同樣有呢個問題，唔知邊啲應該要，邊啲應該放棄。

4. 訊息內容過短

咁樣顯得個男士溝通能力唔好，唔會做啲乜去氹女士。專家仲話，如果LINE用嘅表情符號/貼圖只有5種以內都被視為有呢個問題。（日本專家真係難服侍。）

5. 衣著無品味但又戴住隻貴錶

諗住戴隻「撈」就溝到女，但如果你係認為戴隻貴錶就好威，著乜都無所謂嘅話，就會被視為唔會為婚後生活特別付出努力嘅男人。另外，覺得請人食飯就大晒，唔洗再做啲乜去維繫關係嘅男人，都會有同傾向。

6. 見到新電器就想換

見異思遷，俾人覺得花心，對得到手嘅野唔珍惜，被視為容易偷食。如果你平時俾錢買好多電話App嘅話，都會被視為有呢種傾向。

7. 約會時唔會預約餐廳

女仔問你去邊你又唔知，今晚食乜好又唔知，大時大節約會又唔預約餐廳。咁樣會令女仔覺得你無考慮佢嘅感受。呢種做乜野都無計劃嘅做法會令對方好無安全感。

8. 搭的士嘅時候會教司機點行

雖然咁樣可以防止司機兜路，好似好靠得住咁，但換個角度諗，其實咁做即係唔信任別人嘅表現，亦俾人覺得要跟足你指示做先可以。

9. 約會中途要打發時間嘅話，會要求自由活動，之後再集合。

例如食完飯仲有兩個鐘先睇戲，個男士會要求分開搵野做，夠鐘先再集合睇戲。咁做會令對方覺得你配合度低，結婚後可能唔肯幫手做家務甚至凑小朋友。