啪啪啪嚟講，前戲係非常重要嘅一環，對男性而言，基於生理上容易受到刺激，所以好快可以埋牙，但女仔就好唔同，投唔投入，好多時睇心理，如果前戲做得唔夠好，令女方未進入狀態，啪啪啪都唔會完滿。講到前戲，男人都離不開揸呀、摷呀、錫呀、奶呀等等，但其實你學av咁一味將個頭哄埋去並唔足夠，令女仔舒服嘅前戲，其實仲需要好多元素，不如就等囡囡直接話你聽啦！

日本網站「オトメスゴレン」就向女性讀者調查，點嘅前戲先會令女生舒服，雖然睇落好似好簡單，但掌握到的確令成件事升晒呢，大家要好好學習喇。

慢慢幫對方除衫
情到濃時，好多時男方都忍唔住即刻拆禮物，但話明前戲，總要有多啲氣氛，試吓唔好咁心急，畀大家培養多啲情緒，一邊摸一邊錫，再慢慢幫對方除衫，對大部分女性而言，感覺會更好Feel。

適當嘅言語挑逗
女仔其實好睇感覺，除咗愛撫之外，喺耳邊低聲呢喃都會有唔錯嘅效果，試下前戲時唔好一味摸，多少少言語挑逗或稱讚對方，都會令女生更加興奮。

好似羽毛般嘅輕撫
對於胸部，可能男人睇得多AV或自己鍾意揉捏嘅手感，所以經常會不自覺一野揸落去，但其實比起捏吓捏吓，好似羽毛掃過咁輕輕愛撫，反而會有更強烈嘅快感。

同時愛撫不同部位
愛撫時試下唔好單單集中一個地方，同時用手同口，進攻女生不同部位，會令佢有喘不過氣來嘅興奮感，不過如果你做唔到又用手又用口，咁就試試上下其手，效果一樣咁work。

開發新敏感帶
其實除咗你知道嘅敏感帶，例如私處、胸、頸、耳仔之外，女生仲有好多地方都會覺得敏感，有啲人喺膊頭，有啲人喺肚，有啲人喺腳，試下開發女方嘅新敏感點，畀啲新鮮感同刺激佢。

轉換前戲模式
次次都係同一種前戲模式可能會悶，有時轉下新玩法，角色扮演又好、玩具又好、突襲又好，新嘗試往往都可以挑起對方慾火。

多啲觀察女生反應
有時與其按自己步伐去進行前戲，應該要多加留意女方反應，見佢邊啲位反應大，就努力進攻，唔好偏心自己嘅喜好，因為前戲始終係以令女方進入狀態為先。

令對方心急
特登避開重要部位，令對方心急，覺得「好想要」都係一種助興嘅方法。