《亞人》（日語：亜人）係櫻井畫門嘅作品，開頭單行本1卷由三浦追儺編劇，櫻井畫門作畫，到第2卷開始，就由櫻井畫門兼任故事創作。

《亞人》故事講述喺1980年代，非洲戰場上發現唔會死亡嘅人類，呢啲不死嘅新人類被稱為「亞人」。為咗實驗需求，後來只要有亞人出現，政府就會懸賞緝捕。而故事主角永井圭，係一名日本高中優等生，有日喺眾目睽睽之下遇上交通意外當場死亡，但下一秒即刻死而復生，所以畀人發現佢係稀有嘅亞人，立刻遭到日本政府巨額懸紅追捕。

永井圭喺摯友海斗嘅幫助下開始逃亡，逃亡期間永井圭一度無意發動亞人嘅潛在能力。由於各國一向都會對亞人進行不人道嘅機密試驗，所以之後被政府捉到嘅永井圭都喺實驗中慘遭反復虐殺，雖然後來成功逃離政府研究機構，但又要面對亞人佐藤引發嘅亞人革命，永井圭就要喺人類社會同立場相左嘅亞人群體間，探索出自己可以生存嘅道路。

http://otapol.jp/2016/08/post-7888_entry.html