香港男士真係好鬼Gentlemen，有風度到畀女友喺街當眾打14巴都仲跪地任人舞，睇到平時「幫女不幫親」嘅巴打都忍唔住出口鬧爆，鬧咩呀？鬧個男仔要維護自己樽鹽，似返個男人呀！

Actually，喺香港呢個父權主義嘅社會，男人要面係好理所當然，之不過家下港女當道，你同佢講面子，啲女就話你大男人，但其實男人著重樽鹽呢家嘢，同女人下下話︰「我都係個女仔，想有人錫……」一9樣，唔通又話你小女人咩，講到尾，都係天生嘅，女人天生要人愛錫，男人天生都想畀女人睇重，成為對方嘅依靠。

就係因為呢種心態，所以男人好多嘢都唔願衰畀女人睇，特別係以下呢10樣︰

10.啪啪啪過嘅人數
唔少男士表示，如果知道女伴啪過嘅人數多過自己，會相當呷醋。

8.(同名次)職位級別
職級低過女伴，感覺上自己好似能力上輸畀對方。

8.(同名次)力氣
男人照計應該大力過女人，如果連力氣都唔夠，要女伴幫返手，又真係幾唔好意思。

7.揸車技術
唔少男士對自己揸車技術都好有信心，如果連有信心嘅事都輸畀另一半，感覺會好冇面。

6.體力
覺得因為係男人，體力上點都唔可以輸畀女仔！

5.知識
唔想乜都畀對方問到口啞啞。

4.聰明同理解能力
成日要女伴教返轉頭，感覺自己好似好愚蠢，又好唔可靠。

3.存款
經濟對男人而言係實力嘅肯定之一。

2.工作能力
希望透過工作能力去得到女伴嘅尊重，而唔係令對方覺得自己冇鬼用。

1.收入
做唔到家庭嘅經濟支柱，又點算係可靠嘅男人呢？