一講起溝女，好多人都會話「Your face your fate」，就算市面上芸芸教你識女仔嘅書入面，頭幾章都一定會叫你執靚個樣先去識女仔。當然，人靠衣裝係永恆不變嘅定律，但執靚自己呢家嘢係有先天嘅限制架嘛，如果我本身就有吳彥祖金城武咁靚仔，我直頭坐喺到等女溝都得啦使鬼你教咩！

咁係咪代表所有教人溝女嘅都係哂氣呢？咁又未必，因為外國就有個又樣衰、又肥、又冇錢，但又溝到好多女嘅「專家」，佢就係以下呢位「David X」。

冇錯，呢位猥瑣大叔就係傳說中嘅David X。佢係一位專業嘅「Pick-up Artist(PUA，溝女達人)」，有十五年教授人家溝女嘅經驗。佢嘅溝女方法非常簡單。當中嘅核心係「自我」，指你要對自己誠實，活出「真正」嘅自己。而且亦唔太需要著重人家點睇你，要撕破虛偽嘅面具。

因應「自我」而產生嘅就係兩個主旨：「唔好太理會女人諗咩」而及「『我』才是關係裏最重要的人」。換言之就係你需要「控制一切」，又或者準確一啲，我會用「主導」呢個字。David X指因為天性需求，女人需要嘅係令佢有安全感嘅男人，女人們需要被主導。所以佢哋會被「Alpha Men」吸引。