係！呢個世界錢唔係萬能，但冇錢就一定萬萬不能！特別係你想買架林寶堅尼時，試下同人講︰「我冇錢架！吹咩？！」就會知道，憑著愛（愛林寶堅尼）與勇氣（挑釁人再吹人），係冇辦法得到林寶，只有錢！只有畀錢！你先可以得到你嘅心頭好！

但係！世界唔係咁黑暗乜都講錢！（好似係）日本北海道大學就有幾位學生決定要用0金錢，擁有一架林寶堅尼！How to擁有？！砌囉！不過～真係用汽車零件砌都仲需要材料錢，所以佢哋用成個朝早去收集雪，決定要喺學校停車場砌出1︰1嘅林寶堅尼雪雕！