成日休刊嘅冨樫上年7月話自己腰痛Blah blah blah，理所當然地「又」無限期休刊直至而家。雖則佢話就話要休息養傷，但偏偏呢段時間佢條友仔又唔畫Hunter跑去畫其他嘢！繼之前佢走咗去畫鄉下雜誌嘅插圖之後，今次冨樫就幫日本音樂團體「戶川純 with Vampillia」畫插畫！

日本歌手戶川純踏入歌唱界35周年，於是就同來自大阪嘅搖滾樂團「Vampillia」合作，喺2016年12月以「戶川純 with Vampillia」名義推出紀念專輯，並請冨樫為佢哋畫插畫。