{ SKIP }
文:MenClub 魏文青  
POSTED ON 20 Jun 2017
中國地大物博,雖然十幾億人都湊唔出11個真係識踢波嘅,但總會出到好幾個靚女。而講到近期最受中港兩地網民歡迎嘅,相信就係來自新疆、今年25歲嘅「迪麗熱巴」啦!咁究竟佢有咩咁吸引人呢?


迪麗熱巴出身於烏魯木齊,或者係受到身為新疆歌舞團獨唱演員嘅爸爸影響,自細就已經就讀藝術學校,仲加入埋新疆歌舞團做舞蹈員。後黎佢「棄舞從演」,2010年考入上海戲劇學院表演系戲劇影視專業,2011拍攝紅色電影《阿娜爾罕》,到2013年電影播出時就正式出道。之後參演過《古劍奇譚》、《克拉戀人》等劇集,仲拎埋2015年國劇盛典「最受歡迎新人女演員」獎,人氣慢慢上升。


不過要數佢紅到黎香港嘅契機,就要數《奔跑吧》同目前大台播緊嘅《三生三世十里桃花》。卻說早排生完仔嘅Angelababy因為要休養而缺席大陸綜藝《奔跑吧》新一季拍攝,咁製作組就搵黎迪麗熱巴頂替佢嘅唯一女主持位置。問題係迪麗熱巴憑住不輸(或者更勝)Baby嘅外表,以及毫不做作嘅表現深得觀眾喜愛,其中與鹿晗嘅一段甜蜜玩遊戲片更加喺網絡不停流傳,於是有人希望迪麗熱巴「坐正」完全代替Baby,有話題就自然有人氣啦!



另外迪麗熱巴嘅經理人乃係楊冪,而《三》一劇所有主要角色都係由楊冪旗下藝人保辦,每個都係後生又靚仔/靚女,劇集爆紅唔單止為楊冪帶黎名利,就連一眾演員亦成為火速冒起嘅新星!咁靚女嘅迪麗熱巴當然都唔例外啦!


大陸靚女其實唔少,不過因為各種原因就一直唔係本港Gentlemen嘅心頭好,呢個迪麗熱巴又會唔會改變你嘅睇法呢?
喺呢個瞬息萬變嘅世界,唔少人都會有所謂嘅「FOMO」(Fear of missing out)心態,即係認定機會只會短暫、單次出現,今次把握唔到就冇下次,所以必需時刻留意身邊所有事。但今晚要介紹嘅呢位「美波那緒」,就證明畀 ...
girls
【深夜】機會係有第二次嘅 軟萌系寫真女星「美波那緒」
01 Aug 2025
睇得我哋「深夜系列」嘅人,相信平時都會喺社交媒體睇下靚女,如果係咁,大家又覺唔覺得香港近年好似越黎越少漂亮嘅新面孔?好似睇黎睇去都係嗰啲人咁?喺呢方面日本寫真界就好得多,每年至少都有幾個一嗚驚人嘅新人 ...
girls
【深夜】三月出道爆紅 犯罪級玲瓏浮凸身材「髙野真央」
30 Jul 2025