睇返紀錄，我先醒起我曾經於2021、22、23連續三年介紹呢位「山田かな」，但點解過去兩年我無繼續介紹呢？唔怪得我呀！係因為原來佢曾經一度「寫真引退」，打算專心發展演員事業。好在佢最終都係對寫真念念不忘，休息咗一年之後寫真復出，我依家先可以同你分享佢近年嘅新作咋！

現年30歲嘅「山田かな」於2021大學畢業後正式出道，而在這之前佢其實係一個普通OL，仲曾經做到公司業績第一。但因為後來滿足感下跌，再加上同事對佢無大學學歷而冷嘲熱諷，所以佢先決定返去讀書，並因為要儲學費而開始做攝影會模特兒，結果畢業後就正式出道做寫真女星。出道後嘅佢憑住前OL身份、玲瓏浮凸身材以及大膽尺度火速走紅，2021及2022年更分別被選為《週刊Playboy》選出嘅「次世代寫真女星胸部」及「次世代寫真女星腰線」嘅「關脅」（第三）及「張出橫綱」（第一），可見佢嘅身材有幾吸引。

不過進入2023年後，佢嘅寫真工作就開始停滯，直到2024年尾、事隔兩年再次登上《週刊Playboy》接受訪問時，佢先坦言過去一年其實係「唔小心寫真引退」。

據「山田かな」指，佢當時的確係想做演員，但心底其實都好鍾意拍寫真，但就因為無好好將自己嘅想法講出黎，結果就錯失好多寫真邀約。佢當時甚至仲將過去自己嘅寫真作品收藏都掉哂，打算疊埋心水做演員，只係最後都係對寫真念念不忘，所以先主動重投寫真工作，仲揚言未來會放開手腳，大膽展示自己嘅身體！咁大家應該可以期待下佢未來嘅寫真作品啦！

IG：maybe.yamada