{ SKIP }
文:MenClub 魏文青  
POSTED ON 16 Jul 2018
世界杯曲終人散,大家可能會覺得冠軍法國係大贏家,又或者覺得摩迪拎到金球獎都算獲得認同,甚至認為哈里簡尼三場入三個十二碼總共入六球拎金靴好好彩,但我話你知呢次世界杯後最大嘅贏家唔係佢哋,而係日本國家隊嘅柴崎岳!點解?因為佢成功將日本女星真野惠理菜私有化呀!

今年26歲嘅柴崎岳與27歲嘅真野惠理菜因為朋友介紹而認識,2人於2016年秋天開始拍拖,但2017年1月柴崎岳就加盟西乙球隊特內里費,同年七月轉投西甲升班馬基達菲,亦與惠理菜展開異地戀。勢估唔到分隔兩地並無阻礙二人發展,據報喺世界杯開始前惠理菜仲特登飛去歐洲為男友打氣,唔知係咪咁所以男方喺世界杯中表現相當唔錯。而今日惠理菜就係Instagram宣佈佢同柴崎岳已經於今月內註冊成婚,更盛讚老公「少說話多做事」嘅性格令佢好有啟發,自己亦會努力做個好太太,婚後亦會放低日本演藝嘅工作,去歐洲陪老公踢波!

真野惠理菜是Hello! Project成員出身,後來以個人身份出道,近年專注於演藝事業,例如演出曾經牽起話題嘅《我們都是超能力者(港譯:全能人!廢能事!)》、真人版《機動警察》以及《逃避雖可恥但有用》等作品。作為偶像出身嘅佢亦曾經出過唔少寫真、上過唔少青少年雜誌,憑其嬌小但「齊全」嘅身材迷到唔少男生!今次被柴崎岳私有化實令好多人心傷啦!
晚晚過幾億畀佢!
girls
神似「千億新抱」? 大馬美女Zacklyn Lee
13 Oct 2018
笑到大家都溶!
girls
極甜美笑容 以色列美女Omer Nudelman
11 Oct 2018