{ SKIP }
文:MenClub 魏文青  
POSTED ON 12 Feb 2019
睇得MenClub嘅你大概都唔係第一年有呢個奢好(如真係第一年,歡迎你),換言之你應該都有經歷過大家由討論區轉去Facebook再去Instagram睇女嘅年代,而如果你記性好,你應該仲會記得當年仲流行「部落格」嘅年代,台灣有個叫「無名小站」嘅平台曾經出過好多、好多美女,有啲仲成為當年紅遍兩岸三地!依家就同大家「考考古」,介紹返一個我當年好迷嘅「無名美女」小予!

小予全名陳玟予,因為無名帳號名為Diefishfish故又稱「死魚魚」。1991年出世嘅佢今年就黎28歲,最早於2006年,即係讀緊中學時就已經係有名嘅網絡美女,2007年被選為網絡美女第六名,之後曾經多次上過台灣綜藝節目,做過模特兒又拍過廣告,算係半隻腳踏入娛樂圈。但更值得一提嘅係佢仲紅到去大陸,事緣當年有人拎咗佢其中一張相再Key咗個安全套上去,一個清純少女拎住啲咁唔清純嘅嘢,瘋傳之餘更被誤認為一名中國上海校花,而且呢位校花更傳出有援交,搞咗一大輪先知認錯人,小予亦變得相當有名。

既然人又靚又有名氣,小予理應順理成章做藝人,但唔知點解最後佢就冇大展拳腳,但佢又唔係完全退出喎!直到今時今日,小予其實都仲係以網紅嘅身份經營緊自己嘅事業——冇錯,上面嗰個就係佢啦!唔知你仲搵唔到當年嗰個純過Meko純水嘅少女身影呢?

wenyu1025 on Instagram

小予 yuyu on Facebook

佢唔著白衣個人都係白架!
girls
白衣天使 台灣美女護士Elle
17 Apr 2019
咁可愛都係得幾千人Follow講唔通呢!
girls
學生情人 台灣超甜美女生筱筱
16 Apr 2019