唔知點解，日本新進女星嘅出道到走紅過程，好多時都相當類似，例如你成日聽我講啲新出道嘅女星會去拍寫真賺人氣之後拍戲拍劇，又或者去咗拍戲拍劇先再去拍寫真賺人氣——係，講到尾都係同寫真有關，包括呢位「新條由芽」都唔例外。

圖片：網上圖片

今年22歲嘅新條由芽原本係一個自由身Model兼Cosplayer，後來因為登上《週刊Playboy》尾頁而被經理人公司睇中，2018年以寫真出道，之後轉戰戲劇界，出道作雖然唔係咩大角色，但套劇就係就係上年大熱嘅《3年A型》，到今年出演超級戰隊系列第44作《魔進戰隊煌輝者》飾演速見瀨奈 (輝煌綠)，總算成功站穩陣腳。

圖片：網上圖片

與此同時佢亦冇放棄寫真活動，依然可以於各大日本少年雜誌中見到佢著住泳衣內衣嘅性感青春Body。值得一提嘅係唔知點解佢影寫真都唔多笑，都唔知話佢個樣係呆下呆下定係鞋口鞋面好，但唔緊要，呢個樣加呢個身材，我OK的。

yume_shinjo on Instagram