呢排秋意濃濃，代表又黎到令人想戀愛嘅季節。咁假如你呢幾廿年遇到過N個傷透你心嘅女人 (又或因為遇唔到任何女人而好傷心)，而你想黎一段充滿治癒感、純樸感嘅 (幻想) 愛情，咁你就要認識一下呢位日本新人女演員「川口葵」啦！

圖片：kawaguchiaoi_1126 on Instagram

今年21歲嘅川口葵出生於日本兵庫縣明石市，據報佢讀緊幼稚園時阿媽已經推佢出黎做兒童模特兒，當時嘅佢都冇諗住要入行，係到高中生諗將來出路時先醒起自己細個嘅經歷，所以先立志做個演員。自2015年起，川口葵就開始參加多個選秀，但都未能成功出道。最後做咗一陣OL儲錢，再毅然搬到東京，最終成功出道。

圖片：kawaguchiaoi_1126 on Instagram

不過要數到佢真正人氣爆發嘅原因，就係因為8月時登上咗《週刊Playboy》影咗輯寫真。甜度極高嘅笑容、樸實無華嘅氣質本身已經夠哂吸引，大家仲發現佢上圍大小恰如一手，再加上一對又瘦又白又滑嘅美腳，依然俘虜一眾Fans歡心，更被稱為「天使」！依家個IG都有超過13萬人Like啦！