係咪好…等陣，等我抹返啲口水先…係咪好Sweet好Pure好True好初戀呢！桂木里佳同學係97年出世，即係今年啱啱17歲，但就已經擁有一間名為「AMF株式會社」的公司，辦公室設係六本木站隔離嘅「六本木山北塔」。

「AMF」其實係「Appreciation (欣賞)」、「Modesty (謙虛)」同「Full Power (全力)」嘅縮寫。佢話係因為自己年紀小，所以要用以上嘅態度黎做人喎！之於業務方面就係製作針對年輕人嘅網絡節目…咦咁咪同本文青係同行？呢啲唔通就係緣份？一定係，除非唔係！里佳醬我黎啦！！！

宜喜

宜嗔

宜和服

宜健康性感

不過公司網頁寫話資本只係得45萬Yen，即係三萬銀港紙唔夠，分分鐘仲少錢過香港啲IG店，點解會租得起「六本木山北塔」做Office呢？

好簡單，因為佢都係「成功需父幹」囉！佢老豆椎木隆太乃係製作動畫嘅日本上市公司，「DLE株式會社」嘅會長，坐擁接近9億Yen(約5800萬港元)嘅資產。雖然就冇講明老豆係咪有幫手，但你話冇我又唔係好信囉！