好多香港男仔會覺得，「港女」就係鍾意有咩都靠男人——嗱我唔敢講香港係咪冇呢啲咁嘅女仔，但我可以好肯定咁同你講以下要介紹嘅呢個香港女仔Wendy Liu就唔係啦。事關佢唔單止冇諗住靠男人，更加憑自己一己之力養起頭家。

今年25歲嘅Wendy，正職係一個銷售員，而佢會開始做Model嘅原因，係因為佢爸爸於早前退休，唯一嘅妹妹又仲讀緊書，所以佢就想於正職之外賺多一份收入減輕爸爸嘅負擔，佢一到放假就會與唔同攝影師合作拍攝，最多試過一日去三個地點影三輯相，然後第二日又繼續返工，淨係呢份責任心同孝心，都已經唔係個個女仔都有。

OKOK，就算講得膚淺啲，身高168cm嘅Wendy擁有修長一對修長嘅美腿，已經夠哂殺食 (亦相信勸退唔少男仔)，著起泳衣亦可以見到佢身材唔錯。再加上佢堅毅、捱得嘅性格，實在值得大家支持呢。