{ SKIP }
文:MenClub 魏文青  
POSTED ON 05 Nov 2020

據Wikipedia所講,所謂「自戀型人格障礙」嘅特徵係「過度誇大強化自我的重要性,過度渴求別人的讚賞,缺乏同理他人行為的能力」,但你又知唔知沉迷AV亦係自戀型人格嘅行為特徵之一?據專門研究自戀型人格嘅Dr. Ramani Durvasula指,自戀型人格障礙患者通常都會非常沉迷AV,甚至沉迷到影響正常感情生活,但係咪鍾意睇AV就叫有自戀型人格障礙?最大嘅分別又在於邊到?

Dr. Ramani Durvasula 10月時於個人Youtube Channel上發佈嘅一條短片中講到,自戀型人格障礙患者通常會將人際關係視為提升自已嘅工具,換言之佢根本就唔Care段關係中有幾多愛、尊重、有幾成熟之類正常人會Care嘅嘢,而係只睇佢本人能夠於關係中得到啲咩。同樣道理,性愛本來亦有「愛」、「聯繫」嘅意義,但對自戀型人格障礙患者黎講就只會剩返權力、享樂、控制等層面,而成人內容就完全能夠滿足呢幾方面,而且唔會對自戀型人格障礙患者有任何要求,比起與真人嘅性愛就自然更加吸引。

而且當網上嘅成人內容俯拾皆是時,就會不停加強自戀型人格障礙患者對呢個行為嘅認同,直至佢哋因各種原因與正常人進入一段關係,佢哋沉迷AV嘅習慣就會影響對方。

但Dr.Ramani講到明,只要佢哋睇嘅AV係題材正常又合法,睇AV本身唔應該係被鬧嘅重點;更重要嘅係,沉迷AV會令伴侶感到被背叛,而當伴侶提出問題時,自戀型人格障礙患者又會惱羞成怒,以「係男人都會睇AV架啦」、「你滿足唔到我我咪睇囉」、「睇AV好過我出去滾呀」之類嘅理由模糊視線,其實都係返返去自戀型人格障礙患者缺乏同理心嘅特性之上。

Dr.Ramani建議,大家絕對可以 (及應該) 為關係設下對自己黎講健康及適合嘅底線。佢話佢見過好多與自戀型人格障礙患者處於關係中嘅人,都會一再推讓,結果受苦嘅只係自己。

唔少日本寫真女星都有個屬於自己嘅稱號,以方便Fans去記得佢哋。既然係咁,個稱號自然就應該同個人有返些少關係先得啦係咪?但我今晚要介紹呢位「西野夢菜」,就有一個我睇唔出同佢本人有咩關係嘅稱號睇黎要靠大家一 ...
girls
【深夜】睇唔明個稱號點黎 寫真界灰姑娘「西野夢菜」出寫真集
18 Jul 2025
一個兩個月大嘅BB可以做到啲咩?除咗食、屙、瞓同喊之外,好似都冇可以做到啦下嘛?但今晚要介紹呢位「加藤綾乃」,就由兩個月大開始就已經於日本演藝界出道,到近年更加成為多才多藝嘅寫真女星添! ...
girls
【深夜】2個月大就出道 多才多藝「加藤綾乃」成寫真冠軍
16 Jul 2025