1. 出軌是基因的錯

快啲搵紙筆抄低「DRD4」呢個基因，因為根據紐約賓漢頓大學的研究，擁有呢組基因嘅人出軌的機會更高。研究指腦內擁有DRD4的人比起冇嘅人更容易有婚外情、一夜情等行為，原因是DRD4會在人緊張時分泌令人感到愉快的多巴胺，而出軌明顯就係一件令人緊張的事。換言之，擁有DRD4的人在出軌上會得到更多快感，而加強出軌的動力。不過並唔係所有出軌的人都有DRD4架，只係擁有嘅人比較容易出軌啫……不過你女友未分得清嘅……

2. 女人認為擁有低沉聲線的男更易出軌

係，上面句嘢基本上冇得再解架啦。根據一篇在Personality and Individual Differences發佈的論文，女人認為有著低沉聲線的人比起雞仔聲嘅男人更易出軌。換言之，喺女人耳中，摩根費曼比碧咸嘅出軌機率大概高N倍。但最令人費解嘅係同一個研究發現，女人認為有低沉聲線的男人更加吸引。See？男人不壞女人不愛嘛！以後講嘢要Chok聲啦！

3. 男人出軌易斷J

根據泌尿外科醫生兼馬里蘭醫學中心大學助理教授Andrew Kramer在2007年至2011年間接觸的16單陰莖斷裂案例中，有一半傷者(當然係男人)承認「案發」時正在偷情。都明嘅，如果同老婆做都咁出力，就唔會有婚外情啦？

4. 男人出軌易馬上風

有咩慘過斷J？恐怕都係死，仲要係「馬上」死。根據意大利佛羅倫斯大學的研究顯示在不熟悉環境做愛，引起馬上風的機會比起喺主場作戰更高。縱然研究員冇辦法指出確實的理由，但佢哋推測係係因為男士們在婚外情中要既然飲酒、豪食，更要承擔滿足通常比自己年幼的伴侶的壓力，再加上唔熟悉嘅環境，令到心跳和血壓上升，增加心臟和血管負荷咁話喎。

5. 正印比小三更具吸引力

好多人以為偷情，尤其係男人偷情，都一定係搵到個(比自己老婆)又靚又後生又大波嘅小妹妹。但「婚外情約會網站」Victoria Milan曾經訪問過4000位會員，就發現原本大部份有婚外情嘅人，不論男女，都認為自己原本嘅伴侶比偷情對象更加吸引。只有30%男性會搵一個比原配後生的女人為偷情對象，更加只有4份1人認為偷情對象比原配有趣或者身型更好。女性受訪者亦有類似回答。超過一半女士認為原配更加吸引，但就有一半人認為小三的身型更好。

咁究竟出軌為咩呢？不論男女受訪者都認為小三更樂意聆聽、關心自己和更加熱情。有近9成女受訪更加認為小三比原配更加欣賞佢哋。而計文青話齋，一對情侶幾時會最「聆聽」、「關心」、「熱情」、「欣賞」對方呀？咪就係啱啱開始嗰陣囉！

6. 出軌亦可能是家族遺傳

同樣是「婚外情約會網站」的Illicit Encounters曾經訪問過2000名會員，發現有73%女會員的媽媽都有出軌經驗，亦有54%男會員指自己爸爸的婚外情令佢哋覺得婚外情唔係一件特別嘅事。所謂「龍生龍，鳳生鳳，老鼠的兒子會打洞」，仲記得第一點個「DRD4」基因嗎？

7. 網上留言都算出軌

唔好以為係Like下女神張Profile Pic、留個言係好小事，根據Fusion.net訪問1000名18-34歲的受訪者，當中有82%認為「網上調情或關係都算出軌」(但沒提及究竟何謂「網上調情及關係」)，換言之你喺FB、IG上嘅一舉一動隨時辣返上身！不過Like我哋MenClub啲Post冇事嘅！Be A Better Man 嘛！

8. 最易出軌時間

又一個「婚外情約會網站」Ashley Madison做的調查，訪問172000名會員，發現星期三的下午5-7點乃係最熱門出軌時段