日本美女多如恆河沙數，就算只係計水著女優都係人材輩出，堪稱真正嘅一「波」未平一「波」又起，所以如果想殺出一條血路，樣靚身材正都未必係最有效嘅方法。好似今晚要介紹嘅呢位水著女星咁，就用咗一個與別不同嘅方法——人物設定。

圖片：hcupadman on Instagram

首先，標準上面嘅「H Cup廣告Man」唔係我安畀佢嘅稱號，而係呢個寫真女星真係用「Hカップな広告マン-ありぺー (H Cup廣告Man Aripei」呢個名黎做藝名。據佢於個人IG及接受日本雜誌訪問時話，佢平日就係日本一間廣告公司嘅職員，但一除衫就會化身成「H Cup廣告Man」造福世人 (呢句我加嘅)。你可能會問，佢呢個身份會唔會係假嘅呢？我唔知，我淨係佢話自己「H Cup」就唔多準確，事關人佢真正嘅身材「H Cup以上接近I Cup」——I呀各位，I呀！第九個英文字母呀，你想唔想像到係咩質感呀？再加條據報23吋腰，呢個身材冇得輸啦！

圖片：hcupadman on Instagram

睇返佢個IG，最早其實係2018年就已經開設，但IG都只係得唔夠一萬人Follow，係到今年11月登上《週刊Playboy》先叫有返啲名氣。我知佢個樣有啲太成熟，亦未必係大家心目中嘅靚女，但其實都幾親切呀！最重要係「HCup以上接近I Cup」喎！I喎！