經歷咗咁多事，呢幾年大家都攰啦，如果身邊有一位治療系女仔，同佢一齊咩都唔做，望著佢個樣都已經可以义滿電。今日介紹嘅日本Model「鈴木友菜」被稱為「治癒系美人」，純情不做作，每個笑容都甜到入心，希望大家睇完都感到能量滿滿。

今年28歲出生於東京嘅鈴木友菜，16歲已經係少女潮流雜誌《Seventeen》做Model，隔年仲做埋雜誌封面Model，就此踏入職業Model之路，走紅後曾參演《地獄少女》真人版電視劇飾演小角色，又會上下綜藝節目同拍廣告。

佢離開《Seventeen》後，就開始擔任女性時尚雜誌《non-no》專屬Model，從少女蛻變成時尚性感女人。雖然今年已經28歲，但完全睇唔出老態，皮膚依然白滑，笑起上嚟仲有一份陽光少女氣質，佢上年仲開咗Youtube Channel拍片分享下化妝品、時裝同生活記錄有興趣記得訂閱啦。