今年22歲嘅「青井春」，人如其名青春無敵，笑容親切，最吸睛（眼晴個晴）嘅地方莫過於I CUP上圍。佢6歲已經出道做兒童Model，喺2017年更以藝名「はるかぜ」進軍寫真界，但因為同童星春名風花撞名，所以喺2020年改名做「青井春」，憑藉激凸身材喺寫真界引起唔少關注。

雖然青井春喺日本寫真界算係略有小成，但佢野心同心口一樣咁大，近年有意跳出日本進軍韓國演藝圈。佢曾表示自己韓文有TOPIK中級（韓文能力檢定）水平，可以睇韓國報紙以及用韓文進行日常生活溝通，更經常用韓文喺社交平台出Post，吸納唔少韓國粉絲。

青井春曾經喺訪問大爆為咗拍寫真積極減肥，但減極上圍都無縮水，所以有啲野真係天生，可遇不可求。