今年23歲嘅「藤田ニコル」（藤田Nicole），爸爸係波蘭及俄羅斯混血，媽媽係日本人，所以擁有3個國家血統。11歲嗰陣參加時尚雜誌《nicola》Model選拔奪冠入行，期後加入雜誌《Popteen》，現時係女性時尚雜誌《ViVi》專屬Model。

年紀輕輕就擁有超過10年Model經驗嘅「藤田ニコル」曾經係一位小老闆，於2017年開設自家時尚品牌「NiCORON」，最高峰時期曾擁有三間分店，但經歷種種原因，最終喺上年宣布關門大吉。

雖然「藤田ニコル」無深邃嘅五官，但一身健康小麥膚色，配上纖腰長腿，成為唔少女士及男士夢寐以求嘅完美身材。早些年推出首本個人寫真，專程遠赴峇里島取景，打破過往甜美清純形象，以成熟野性風格入鏡，大方展示誘人身材。單手遮胸、吮手指、咬泳衣帶，各種誘人Pose應有盡有！