由日本知名漫畫雜誌《週刊Young Magazine》及《週刊少年Magazine》所舉辦嘅『Miss Magazine』選美大賽歷史悠久，多年嚟誕生過唔少一線演員、偶像、Model等等。今日就帶大家睇下認識一下『Miss Magazine 2020』冠軍「新井遙」。

今年20歲嘅「新井遙」，喺2019年參加日本網絡電視台AbemaTV真人Show節目「今日、好きになりました。」初登銀幕，以空靈氣質以及深邃五官獲得唔少粉絲。其後喺2020年就去咗報名參加『Miss Magazine 2020』選美大賽，從2788名申請者中脫穎而出擠身16強，最後更拎埋冠軍。擁有標準Model身材嘅佢，除咗擁有誘人S型身段，身高更有168cm，成為『Miss Magazine』有史以嚟第二高嘅冠軍。

據了解，佢得獎後打算踏足演藝界，嘗試下做舞台劇演員。不過佢今年先20歲，就好似一塊未雕琢嘅寶玉，以後實大把世界，大家好好期待一下佢之後嘅作品。

資料來源：[email protected]_arai_ar、[email protected]_haruka