大家無睇錯，可愛同性感其實可以並存。今年26歲嘅「くりえみ」（舊藝名：栗田惠美）長得一臉稚氣，唔講都真係以為佢報大咗幾歲，加上個對楚楚可憐嘅無辜眼神，含情脈脈得嚟又迷人，單憑對眼已經勾起唔少男士保護欲，想將佢擁入懷中好好保護。不過更令人著眼係頸以下嘅火辣身材，D Cup上圍配上22吋纖腰構成前凸後翹S型身段，實在係集可愛與性感於一身。

早於「くりえみ」讀緊高中一年級嘅時候，就因可愛外表而喺涉谷街頭被星探發掘，其後以青春純真特點活躍於寫真界。直到2014年加入「転校少女歌撃団」後轉戰偶像界，做偶像其間不時獲邀參演各部綜藝節目及日劇，更出演過《繆斯之鏡》、《喪屍末日戰》等電影。

「くりえみ」喺2018年離開「転校少女歌撃団」後，就將事業重心放返落寫真界，並將藝名從「栗田惠美」改成「くりえみ」，打破過往清純形象，轉而變得成熟嫵媚，毫不吝嗇半裸上陣拍寫真大晒火辣身材。

資料來源：[email protected]__emi、[email protected]__emi