韓國演藝圈向來競爭非常大，即使現時出名嘅女團，過幾年之後好可能就會完全消聲匿跡，一般女團就更加唔使講。唔少女星都諗盡計仔令自己保持人氣，隨住Youtube愈嚟愈普及，林李智（이해인）就把握機會轉型做性感Youtuber，以「清涼」形象大展琴技。

現年34歲（我都睇唔出）嘅林李智（이해인）早年因為拍攝一輯影印機廣告走紅，其後加入T-ara師妹女團Gangkiz出道，因為當初嘅清純短髮形象神似日本女神廣末涼子，從而獲得多部韓劇參演機會，可惜奮鬥多年仍未能大紅大紫。唔知佢係咪受到各個性感Youtuber啟發，近年突然打破固有清純形象，轉型做性感Youtuber拍性感彈琴片。皇天不負有心人，佢成功靠Youtube再闖一番事業，現時頻道已經有接近60萬訂閱。

小弟就對鋼琴一竅不通嘅，只係識分好聽或者唔好聽。我覺得佢除咗衣著性感之外，彈琴又真係幾好聽，當中亦Cover過唔少知名動漫歌曲，例如《犬夜叉》、《鬼滅之刃》、《龍貓》等等。

資料來源：instagram@leehaeinleezy