今年23歲嘅石田桃香，由於樣貌有幾分似人氣女星有村架純，轉戰寫真界後人氣有增無減，短短一年間就被多本雜誌獲邀拍攝寫真，曝光率直迫「令和寫真女王」沢口愛華。喺早幾個月更推出首本個人寫真集，專程返家鄉大阪取景。

唔好睇石田桃香得23歲，其實佢早喺2012年以15歲之齡參加NHK電視台教育節目「Rの法則」出道。直到2019年突然宣布進軍寫真界，昔日嘅清純學生妹搖身一變成初成熟少女，憑住D Cup上圍以及神似有村架純嘅清純樣貌瞬間走紅。

佢同其他寫真女星一樣，早排就開咗個Youtube Channel，分享自己平時日常生活，等粉絲見到佢性感背後可愛活躍嘅一面。

資料來源：[email protected]_momoka、[email protected]