經典動畫《美少女戰士》，相信大家未睇過都聽過。早喺10幾年前，日本CBC電視台更翻拍過真人版電視劇，當時「泉里香」就係飾演劇中嘅SailorMercury水野亞美。時隔多年，當年小妹妹搖身一變成火辣女星，遊走演藝界及寫真界，即使步入三字頭亦唔輸蝕比班後生女。

今年32歲嘅「泉里香」，自從2003年參演《美少女戰士》真人版電視劇後就一直浮沉多年，經歷多次改名、轉行做Model，最終喺2017年推出首本個人寫真《Rika!》再次爆紅，傲人上圍配上極幼纖腰，彷似動漫角色嘅不科學身材收獲唔少粉絲。其後靠著火辣身材走紅演藝界，參演N部日劇及電影。

有網友就翻出2003年《美少女戰士》嘅相作對比，質疑點解當年嘅「iPad」會變到咁今時今日嘅「洶湧澎湃」，懷疑「泉里香」曾經隆胸「升Cup」。不過當年佢拍《美少女戰士》嗰陣得14歲，所以唔排除係未發育啫，又或者大部份人根本唔介意真定假，只要好睇就得。

資料來源：[email protected]_izumi_