《超人系列》從昭和時代至今已經出咗廿幾部，陪伴好幾代人童年成長，當中不乏清新脫俗女演員。今日就同大家介紹一位新生代超人系列演員，《超人泰迦》女主角「吉永アユリ」。

今年23歲嘅「吉永アユリ」，細細嗰就過著「電視撈飯」嘅時日，令佢非常憧憬加入演藝圈。喺小學五年級嗰陣，佢因為去咗睇Fashion show而被星探發掘，起初佢媽媽都非常反對佢加入演藝圈，不過經過「吉永アユリ」再三堅持下最終獲得批准。佢喺12歲嗰陣以童星身份參演知名電影《告白》，期後又參與唔少電影、劇集及廣告。

喺2019年佢就憑著擔任《超人泰迦》女主角旭川Pirka而極速上位，獲得唔少人氣後更乘勝追擊進軍埋寫真界，一嚟就嘗性感水着造型，令各位粉絲大飽眼福。

資料來源：Twitter@AyuriYoshinaga、Instagram@ayuriyoshinaga