日本職業聯賽（J.League）深明男士鍾意睇「波」呢個道理，當年特登搵咗「佐藤美希」成為J.League公關部第二代經理人，擔任球賽報導員陪各位球迷一齊睇波，可惜佢做咗3年就「畢業」榮升「名譽經理人」，近年更進軍寫真界發展。

今年27歲嘅「佐藤美希」原本打算成為一位護士，不過就喺讀緊護士學校二年級嗰陣，佢媽媽就同佢講日本著名經紀公司Horipro搞咗個藝人選拔賽，於是佢就膽粗粗去咗參賽，點知最終喺2萬名參加者中脫穎而出，勇奪冠軍，更成為女性時尚雜誌《non-no》專屬Model。之後就如一開始所講，成功擔任J.League經理人，3年間走訪晒日本全國54支職業球隊，令佢獲得唔少球迷粉絲。

「佐藤美希」喺J.League畢業後亦都無忘本，間唔時都會上下球賽節目做報導員。佢喺2018年就推出首本個人水着寫真正式進軍寫真界，從細就鍾意做運動嘅「佐藤美希」，學過芭蕾舞同柔道，身材當然掂到爆啦，擁有F Cup誘人S形身段，更憑著22吋腰被雜誌社封為「新世代纖腰女王」。

資料來源：twitter@sato_miki626、instagram@satomiki0626