今年22歲嘅「関水渚」，年紀輕輕已經擔任真人版電影《賭博默示錄3》女主角，以及孖住長澤正美出演《信用欺詐師：公主篇》，靠嘅當然唔單只係甜美外表，演技亦有返咁上下實力。近年除咗拍日劇同電影，更踩入寫真界推出首本個人寫真，展現健康性感美。

當年得16歲嘅「関水渚」因為憧憬人氣女星石原聰美，於是就走咗去參加著名經紀公司Horipro第40屆（2015年）藝人選拔賽，雖然最終輸咗畀冠軍木下彩音，但都成功憑著打入決賽出道。佢起初都只係拍下廣告同上雜誌拍寫真，直到2019年憑出色演技喺超過1000人嘅試鏡會脫穎而出，成為電影《町田君的世界》女主角。初次擔正做電影主角就連續拎咗4個新人獎，可想而知佢演技有幾勁。

憑出演《町田君的世界》打響名堂後，就連續出演多部日劇及電影，人氣有增無減。上年更推出首本個人寫真《First Step》，以水着造型示人，主打性感健康美嘅「関水渚」雖然無豐滿火辣身材，但就擁有甜美燦爛美容，帶畀人一種陽光治癒感覺。希望正如本寫真個名所講，呢本寫真只係「First Step」，嚟緊將會有更多作品。

資料來源：instagram@nagisa_sekimizu