近排當紅日本寫真女星就介紹得多喇，今日就同大家介紹一位寫真界新人「大槻りこ」。佢上年參加講談社選美比賽「Miss Magazine 2020」，以驚人成長速度而獲得審査員特別賞。雖然人氣未及冠軍「新井遥」，但其可愛外表亦引嚟唔少關注。

今年只有19歲嘅「大槻りこ」，起初活躍於舞台劇界，亦曾經喺日本女子搖滾組合「PiiiiiiiN」成員，不過隨著團隊解散而單飛發展，將時間重力投放喺寫真事業。佢從細就熱愛運動，除咗係學校田徑隊成員，更曾參加過全國游泳比賽，唔知係咪因為咁所以身材咁均稱呢？