經常有人話頭髮就好似女人第二塊臉，一個襯自己嘅髮型能夠大大提升魅力。可惜唔係每個人都可以Carry各種髮型，有人留長頭髮會好睇啲，又有人短頭髮反而更好睇。不過今日介紹嘅「小島みゆ」，就係無論長髮定短髮都一樣咁好睇，真係羨慕死人。

今年28歲嘅「小島みゆ」，細細個嗰陣就立志成為漫畫家或者Model，雖然唔知點解兩者會咁大差異，但明顯佢最終選擇咗後者。喺2014年擔任能量啫喱飲品「inゼリー」代言人出道，其後透過粉絲眾籌方式推出首張個人寫真dvd「はつみゆ」。獲得一定知名度後就加入「Krush Girls」成為一名擂台舉牌女郎，期間上過大大小小綜藝及電台節目，現時係著名自由搏擊賽事「K-1」 舉牌女郎。

雖然「小島みゆ」最終無選擇成為漫畫家，但佢仍然係一個不折不扣嘅ACG迷，每日至少打3個鐘機，閒時就會畫下插畫同漫畫，就連佢隻狗仔個名都係出自薩爾達傳說。佢就希望未來可以喺綜藝節目帶多啲歡樂畀大家，並成為寫真界第一位插畫家。

資料來源：[email protected]_8_、[email protected]_8_miyu