由菅田將暉主演嘅校園懸疑日劇《3年A班》帶挈咗唔少女演員，除咗比較出名嘅「今田美櫻」、「大原優乃」同埋「新條由芽」之外，喺劇中飾演快樂系女高中生嘅「日比美思」都同樣備受關注，今日就帶大家睇下傳說中嘅「8頭身」比例身材。

今年22歲嘅「日比美思」，2009年參加NHK電視台節目《天才兒童MAX》全國招募活動，成為青少年歌舞團體「Dream5」成員兼主唱出道，同隊成員就有大名鼎鼎嘅寫真女王「大原優乃」，該團更曾經因為喺2014年演唱《妖怪手錶》片尾曲而意外爆紅，獲邀上過紅白歌唱大賽。不過隨著「Dream5」喺2016年解散，佢就單飛發展，進軍演藝及寫真界。

由於佢同「大原優乃」做過隊友又一齊拍過日劇，唔少人都會拎佢哋兩個做比較，繼我話用成績嚟比就真係無咩意思（點同寫真女王比...），反而兩人都各有特色。比起「大原優乃」嘅強大視覺衝擊，「日比美思」更加有鄰家少女味道，就好似生常日活入面有機會遇到嘅女仔一樣，冇太大距離感，難怪會深受一眾男士歡迎，期待佢日後更多作品。

資料來源：instagram@hibi_mikoto、twitter@mikoto__hibi