大家經常都會用動物嚟形容某種人，例如威武勇猛嘅男士就會用獅子老虎，份人古古惑惑就會叫佢做狐狸，而女士性感野性就好易同豹扯上關係。今日介紹嘅「NAMI（なみ）」就有著令和女豹之稱，性感得嚟又散發住一住妖媚嘅神韻。

今年26歲嘅「NAMI」原藝名為「宮崎華帆」，最初喺家鄉香川縣一間小食店做「媽媽生」，平時主要招呼客人陪對方飲酒同打牙骹，繼而學識高招嘅溝通技巧，就算再沉默寡言嘅客人佢都有辦法打開話題。直到22歲開始就獨自搬到東京工作並入行成為寫真Model，曾以藝名「宮崎華帆」推出過5張寫真DVD，上年12月先改名做「NAMI」。

「NAMI」除咗平時影靚相之外，佢私底下亦熱愛運動，曾經學過9年空手道並參加過全國比賽獲得黑帶資格，真係睇唔出佢咁打得！另外佢亦好鍾意喺社交平台大派福利，有興趣嘅朋友可以去了解一下。

資料來源：twitter@namixxdesu、instagram@_iamxnami_