備受期待嘅奧運田徑賽程於今日正式展開，嚟自加拿大嘅田徑選手Georgia Ellenwood，即將喺8月4日出戰女子七項全能項目，當中包括鉛球、跳高、跳遠、標槍、100米欄、200米賽跑、800米賽跑，真係樣樣都掂！

今年25歲嘅Georgia Ellenwood，從細就開始接受田徑訓練，高中時期更多次代表加拿大出戰世界青年錦標賽，讀緊大學嗰陣仲拎過2018年NCAA戶外田徑錦標賽女子七項全能冠軍，直到上個月成功喺選拔賽取得人生首張奧運門票，代表加拿大出戰。

從Georgia Ellenwood嘅IG可以見到，佢平時非常勤力訓練絕不偷懶，得閒就會到戶外練跑，就算因為疫情而被迫留喺屋企都會做work out，仲拍過唔少片教大家點樣練腹肌，有興趣嘅朋友記得唔好錯過佢嘅賽事啦。

資料來源：instagram@george_ahhh