一般嚟講，甜美同性感呢兩個概念好難共存，如果一個女仔過於性感嘅話，好容易就會令人覺得佢戰鬥力極高，繼而少咗份甜美或可愛嘅感覺，能夠拿捏好當中平衡點嘅人少之有少。唔知大家又覺唔覺得今日介紹嘅「坂東遥」，甜美得嚟又唔會過份性感呢？

今年25歲嘅「坂東遥」，2013年參加日本女團「CoverGirls」全國選拔成功脫穎而出，以偶像身份正式出道，一直以嚟都係團內嘅人氣成員，直到今年3月先離隊加入新女團「Jams Collection」並擔任隊長。但講到令佢紅上加紅嘅，莫過今年6月初嘗寫真拍攝，令大家睇到佢「有料」嘅一面。

當寫真相出咗街後，各位粉絲都估唔到原來平時行清純甜美路線嘅「坂東遥」原來身材咁好，應大嘅地方就大，應細嘅地方就細，性感得嚟又唔會太過Chur，非常GFable！