日本90年代曾經掀起一股澀谷辣妹文化（ギャル/Gal），泛指少女熱愛黝黑皮膚、濃妝配金色頭髮打扮，如果用香港標準嚟睇嘅話，呢種打扮又會被歸類為「MK」，咁當然兩者內在文化完全唔一樣啦。不過相同嘅係，隨住韓系妝容興起，近呢十年無論係Gal定MK打扮都漸漸沒落，又或者轉化成另一樣嘢。而今日介紹嘅「古川優奈（こがわ ゆうな）」就係被日媒稱為「新世代Gal」代表，唔知大家又鍾唔鍾意呢？

今年20歲嘅「古川優奈」憑住175cm身高，早喺讀緊小學嗰陣已經入行做Model，相繼擔任過《Pichilemon》、《LOVE berry》以及《Popteen》等多本時裝雜誌Model，現時為女性時尚雜誌《egg》專屬Model，而且又經常上電視節目同做Dancer，可以稱得上非常多才多藝。

「古川優奈」能夠被日媒稱為「新世代Gal」代表，人氣自然唔惹少，齋係IG都已經有20萬粉絲，而TiKTok更有將近80萬粉絲。無他嘅，新一代鍾意玩TikTok，所以人數遠遠拋離IG同Twitter都正常嘅。