唔知大家對「男人無論幾多歲都鍾意十八廿二」呢句說話有咩睇法呢？我就認為呢句說話都錯唔晒嘅，只不過隨住我哋年齡增長，著眼點唔會再局限喺18、22呢個年齡，而係更加識得欣賞成熟嘅女士，簡單嚟講即係睇得上眼嘅年齡範圍愈嚟愈大，唔似得後生嗰陣一聽到30歲以上就覺得係「姨姨」。

今年33歲嘅「辰巳奈都子」自細就學習多種樂器，並擁有絕對音感，早喺2004年以Model身份出道活躍於電視廣告、企業海報，後來憑住良好嘅音樂底子加入女團「桜（もも）mint's」展開偶像活動。直到2007年以19歲之齡參加選美比賽「Miss FLASH」勇奪冠軍，從此就喺寫真界漸漸走紅，歷年嚟推出過幾十張寫真DVD以及7本寫真集，更係綜藝/電視節目常客，可以稱得上係全方位藝人。

目前「辰巳奈都子」已經冇乜點出席公開活動，見佢Twitter嘅相都係去下旅行、食下好嘢，過住寫真嘅生活，間唔中會搵人幫佢影靚相，同時發現10幾年Model經驗絕對冇花冇假，每個Pose都妖艷動人充滿美態，配合埋個銷魂表情，相當殺食。

資料來源：[email protected]_natsuko、[email protected]_natsuko