雖然依家日頭仲係30幾度，但理論上嚟講已經踏入咗秋天，唔知大家今年去咗幾多次沙灘呢？不過就算未去夠，今日介紹嘅「吉澤遥奈」都可以帶畀你炎炎夏日嘅感覺！

今年19歲嘅「吉澤遥奈」喺2019年參加「Miss Magazine」奪得亞軍入行，憑住165cm身高、凹凸感勁強嘅火辣身材成為寫真界新星，出道兩年多幾已經上過多次雜誌。而且佢嘅作品多數會以水着/內衣造型示人，大曬青春好身材，配埋個天真無邪嘅陽光笑容，令Fans們睇到「好似太陽咁溫暖」，咁你明點解我會話有種夏日熱辣辣嘅感覺啦！

雖然「吉澤遥奈」喺寫真界備受關注，但佢曾經喺訪問透露過，當初係為咗做演員先參加選美活動，未來會繼續拍寫真，但更希望有機會拍下戲。其實過往都有N個類似嘅例子，希望佢都可以如願以償搵到自己鍾意嘅工作啦！