每當提到摔角選手，大家可能會即刻諗起好似John Cena咁嘅筋肉人，其實摔角界仲有好多睇得又打得嘅女選手，就好似今日介紹嘅「上福ゆき」。

今年28歲嘅「上福ゆき」，細個曾經喺美國生活過一段時間，學得一口流利英文，後來回歸日本升讀東洋大學英語傳播系，在學期間贏得校內選美比賽「東洋大學小姐」亞軍，從此加入藝能界。出道初期曾經都參加過「Miss Action」及「Miss FLASH」等寫真Model選美比賽，可惜未能成功跑出，直到2017年進軍女子摔角界先漸漸走紅。

Model出身嘅「上福ゆき」身材勻稱高挑（173cm），乜都唔做齋企擂台已經台型十足，更何況佢真係識得凌空起飛腳攻擊敵人，上年更成功奪得國際公主錦標賽冠軍腰帶，確實打得又睇得，自不然收穫大量Fans。