雖然日文漢字同中文意思並非完全相同，但唔少女星嘅藝名又真係會咁啱得咁橋，可以形容到佢哋嘅外表，就好似「大原優乃」、「雛乃波波」、「池尻愛梨」仲有「_ _美波」等等...，而今日分享嘅「天羽希純」亦係人如其名，既天（羽）又清純。

今年25歲嘅「天羽希純」散發住一股清純青春氣息，笑起上嚟令人甜到入心，早喺16歲就以藝名「伊藤みう」出道做偶像，直到2016年先改用依家呢個咁有詩意嘅藝名。歷年嚟加入過N個女團，例如假面女子、Prism、ぱー研......等等，自上年從「READY TO KISS」畢業後就加盟咗現時嘅女團「#2i2」，目標喺2年之內能夠喺武道館開演唱會。

既然同得大家分享，佢梗係唔只齋做偶像歌手咁簡單，曾經都為雜誌拍過性感寫真。雖然希純身材較為嬌小，但上圍就非常豐滿，令心口顯得更加凸出，非常之有睇頭，有興趣嘅朋友自己Follow佢啦。

資料來源：instagram@amaukisumi、twitter@amau_kisumi