如果大家有啲啲印象，我哋大約喺年半之前介紹過一位笑容極燦爛嘅日本美女「川津明日香」，當年時佢仲只係一個新晉寫真偶像，但轉眼間就憑住參演《幪面超人聖刃》成功彈起，並喺上個月推出首本個人寫真集，完成藝能生涯一大目標！

今年21歲嘅「川津明日香」早於2014年贏得由雜誌《Seventeen》舉辦嘅「Miss Seventeen 2014」冠軍入行，起初都擔任雜誌Model、拍下日劇同電影為主，其中更客串過人氣日劇《3年A班》。直到上年先踏足寫真界，憑住極燦爛笑容以及「9頭身」完美比例獲邀上《週列Playboy》封面，並喺同年憑住飾演《幪面超人聖刃》女主角成功打響名堂，上個月仲推出埋Fans期待已久嘅首本個人寫真集。希望佢可以演出多啲作品，事業更上層樓啦。