同「白石麻衣」同期加入乃木坂46，又同樣喺上年10月畢業嘅「中田花奈」，離隊後除咗涉足寫軍界，又積極朝向職業麻雀發展，並喺今年成功通過合格率極低嘅考試，取得職業麻雀士資格。

今年27歲嘅「中田花奈」細個嗰時因為被爸爸帶咗去睇「Morning娘」演出而迷上偶像，之後又鍾意埋「AKB48」，由於對偶像非常憧憬加上獲得爸爸支持，佢喺17歲嗰陣就膽粗粗去咗參加乃木坂46的1期生試鏡並成功揮低一眾競爭者出道。經歷長達9年嘅偶像生涯喺上年10月正式畢業，同時推出首本個人寫真大膽挑戰水着及內衣造型，展現成熟性感魅力。

興趣多多嘅「中田花奈」，向來就參加過唔少麻將節目大顯身手，今年佢更成功通過合格率極低嘅日本麻雀職業考試（合格率：2020年10.1%、2021年27.2%），成功取得職業麻雀士資格，並如願以償喺東京開咗間麻將咖啡廳「chun.」。

資料來源：[email protected]_official、[email protected]_official