被稱為韓版《慾罷不能（Too Hot to Handle）》嘅戀愛真人騷《單身即地獄》日前終於播出，搵嚟5男4女喺無人島上生活9日8夜互動交流，雖則尺度唔及原版《慾罷不能》，但都有睇頭嘅，今日就同大家介紹一吓4位女參賽者！

節目規則分為「天堂島」同「地獄島」兩個部份，當參賽者身處於「地獄島」唔能夠討論彼此年齡或職業，食飯飲水均需自理，而一旦參賽者搵到啱Feel嘅對象，就可以湊埋一對前往「天堂島」入住總統套房好好享受二人時光，到時鍾意傾咩話題都得，節目途中亦可以隨時更換對象。由於參賽者身處「地獄島」唔可以討論職業及年齡，所以目前觀眾對未能成功配對嘅參賽者都一無所知，依家就同大家一齊睇4位女仔究竟咩來頭。

1.申芝燕（신지연） IG：jiiiyeonie_

今年23歲嘅申芝燕，身材纖瘦且肌膚雪白，細細個跟住屋企人移民去加拿大，目前讀緊多倫多大學，上年曾經參加過韓國傳統選美比賽「春香小姐」。

2.姜素妍（강소연）IG：kangsoyeon__

擁有一身健康膚色姜素妍現年34歲嘅，係一位拳擊裁判兼拳擊中心老闆，擅長多項運動，潛水、網球、高爾夫球、籃球、拳擊、舉重、普拉提、瑜伽...通通都難佢唔到，而且經常喺IG分享各種訓練照，一睇就知佢非常陽光！

3.安藝媛（안예원）IG：yeah.w__

身為Model兼KOL嘅安藝媛，IG擁有超過7.4萬位Fans（持續上升中...），並且仲有一個YouTube頻道用嚟拍片分享日常，周不時就會大派福利貼上性感相大曬火辣身材。

4.宋智雅（송지아）IG：dear.zia

由於被網民話同BLACKPINK Jennie似樣，今年25嘅宋智雅一直備受關注，並喺男參賽者當中有住極高人氣，現時係一位搵有超過60萬訂閱嘅美妝YouTuber。